O‘zbekiston Respublikasi Oila kodeksining 96-moddasida, ota-ona voyaga yetmagan bolalariga ta’minot berishi shart ekanligi ko‘rsatilgan. 97-moddasida esa, ta’minot berishda ota-onaga birdek majburiyat yuklatilishi nazarda tutilgan. Ya’ni, ota-onaning xar ikkisi xam bolaga aliment berish uchun birdek mas’ul. Agar bolalar otada bo‘lsa va u onani sudga bersa aliment onadan undiriladi.
Endi, yuqoridagi kodeksning 136-moddasida, aliment olish huquqiga ega bo‘lgan shaxs, aliment talab qilish huquqi vujudga kelganidan so‘ng qancha muddat o‘tganidan qat’i nazar, xohlagan vaqtda aliment undirish to‘g‘risidagi talab bilan sudga murojaat qilishga haqli ekanligi keltirilgan.
Ota-ona bolaga aliment to‘lashga majbur, ular aliment bo‘yicha birdek majburiyatga ega va aliment olish huquqi vujudga kelganidan boshlab ulardan biri bolalariga ixtiyoriy ta’minot bermay kelayotgan ikkinchisidan sud tartibida aliment talab qilishi mumkin. Farzandlaringiz xali yosh ekanligini va turmush o‘rtog‘ingiz Sizdan farqli o‘laroq farzandlaringiz ta’minotini o‘ylamayotganligini inobotga olsak, Siz bemalol birga yashab turib xam turmush o‘rtog‘ingizdan farzandlaringizni foydasiga aliment talab qilishga haqlisiz. Bu bo‘yicha qonunchilikda biror-bir cheklov yo‘q.
Shovot tumani Adliya bo‘limi YuXKM
boshlig‘i K.X.Ismoilov
