Ҳукумат қарори (ВМҚ-103-сон, 21.02.2025 й.) билан “Жабрланувчиларни, гувоҳларни ва жиноят процессининг бошқа иштирокчиларини ижтимоий ҳимоя қилишни таъминлаш тартиби” тўғрисидаги низом тасдиқланди.
НИЗОМДА ҚУЙИДАГИЛАР БЕЛГИЛАНМОҚДА:
Жабрланувчи, гувоҳ ва жиноят процесси бошқа иштирокчиларининг ижтимоий ҳимояси учун бир йўла ажратиладиган нафақани (ушбу нафақа солиққа тортилмайди ва ундан ушлаб қолинмайди) тайинлаш ва тўлаш тартиби белгиланмоқда;
Нафақанинг миқдори:
шахс вафот этганда унинг оила аъзолари ҳар бирига тенг улушда - БҲМнинг 100 баравари миқдорида;
шахсга ногиронликни келтириб чиқарувчи тан жароҳати етказилган ёки соғлиғига бошқача зиён етказилганда, ногиронлик гуруҳига кўра:
И гуруҳ - БҲМнинг 80 баравари миқдорида;
ИИ гуруҳ - БҲМнинг 70 баравари миқдорида;
ИИИ гуруҳ - БҲМнинг 50 баравари миқдорида.
ногиронликни келтириб чиқармайдиган тан жароҳати етказилганда ёки соғлиғига бошқача зиён етказилганда эса, суд-тиббий экспертизасининг хулосаси асосида:
оғир даража - БҲМнинг 35 баравари миқдорида;
ўрта даража - БҲМнинг 35 баравари миқдорида;
соғлиқнинг қисқа муддатга ёмонлашувига олиб келган енгил даража - БҲМнинг 25 баравари миқдорида.
жиноят процессида ҳимоя қилинувчига шахсга ижтимоий ҳимоя қилиш чораларини қўллаш асослари:
ҳалок бўлганлиги (вафот этганлиги);
унга ногиронликни келтириб чиқарувчи тан жароҳати етказилганлиги ёки соғлиғига бошқача зиён етказилганлиги;
унга ногиронликни келтириб чиқармайдиган тан жароҳати етказилганлиги ёки соғлиғига бошқача зиён етказилганлиги;
мулкий зарар етказилганлиги.
Ушбу низом 2025 йил 1 апрелдан эътиборан кучга киради.
Янгиариқ туман юридик хизмат кўрсатиш маркази бошлиғи: У.Наврузов
