O‘zbekiston Respublikasining Mehnat kodeksining 65-moddasiga asosan, Jamoa shartnomasi tashkilotda yoki yakka tartibdagi tadbirkorda yakka tartibdagi mehnatga oid munosabatlarni va ular bilan bevosita bog‘liq bo‘lgan ijtimoiy munosabatlarni tartibga soluvchi hamda xodimlar tomonidan o‘z vakillari orqali va ish beruvchi tomonidan tuziladigan mehnat to‘g‘risidagi huquqiy hujjatdir.
Jamoa shartnomasi umuman tashkilotda, uning alohida bo‘linmalarida tuzilishi mumkinligi belgilangan. Jamoa shartnomasi imzolangan kundan e’tiboran yoki jamoa shartnomasida belgilangan kundan e’tiboran kuchga kiradi va shartnomada nazarda tutilgan muddat ichida, biroq ko‘pi bilan uch yil amal qiladi.
Jamoa shartnomasi bilan tartibga solinadigan ijtimoiy-iqtisodiy munosabatlar tashkilotda xodimlar uchun qulay mehnat sharoitlarini yaratish xavfsizlikka qarshi chora-tadbirlarni oshirishga qaratilgan munosabatlardan iborat. Jamoa shartnomasi yozma shaklda tuziladi.
Tuproqqal’a tuman adliya bo`limi
Yuridik xizmat ko`rsatish markazi
Boshlig’i Urazboyev T.
