Maktabda nechta kutubxonachi ishlashi kerak?
Xalq taʼlimi vazirligining Moliya hamda Bandlik va mehnat munosabatlari vazirligi bilan kelishilgan holda imzolagan (28.12.2019) 406-sonli buyrug‘iga ko‘ra umumtaʼlim muassasalari boshqaruv, texnik, xizmat ko‘rsatuvchi va o‘quv-yordamchi xodimlarining namunaviy shtatlari belgilangan.
Mazkur meʼyoriy hujjatga muvofiq kutubxonachi hamda kutubxona mudiri lavozimi yuqori sinf komplektlari soniga qarab quyidagi miqdorlarda kiritiladi:
Kutubxonachi lavozimi:
1-10 tagacha sinf komplektlari bo‘lganda 0,5 shtat birlik;
11-16 tagacha sinf komplektlari bo‘lganda 1 shtat birlik;
Kutubxona mudiri lavozimi:
17-29 tagacha sinf komplektlari bo‘lganda 1 shtat birlik.
Sinf komplektlari soni 30 va undan yuqori bo‘lganda 1 shtat birlik kutubxona mudiri va 0,5 shtat birlik kutubxonachi lavozimi kiritiladi.
Xiva tuman yuridik xizmat ko'rsatish markazi
bosh yuriskonsulti. A.Abdusheripov
